မန်စီမြို့နယ်ထဲက ကျေးလက်လူထု ဗန်းမော်ဘက်ကို ထွက်လာတဲ့အကြောင်းကို ကချင်နှစ်ခြင်း အသင်းတော်ရုံးက ဦးတူးဂျာက အခုလို ပြောပါတယ်။
“၂၄ ရက်နေ့တုန်းက သူတို့ မုံးဒိန်ပါကိုဝင်ပြီးတော့ ရွာသားတွေကို ဘုရားကျောင်းထဲမှာ ထိန်းထားတာ၊ တိုင်းကိုအကြောင်းကြားတဲ့အခါကျတော့ တိုင်းကလည်း ရွာမှာစစ်သားတွေ မနေရဘူးလို့ ညွှန်ကြားတဲ့အခါကျတော့ ၂၅ ရက်နေ့ မနက်ပိုင်းမှာ ရွာအောက်မှာပဲရှိနေတဲ့ခါကျတော့ ရွာသားတွေက ကြောက်တဲ့အခါကျတော့ ဒီနေ့ညနေ ၁ နာရီခွဲနောက်ပိုင်းမှာ အဲဒီ မုံးဒိန်ပါကနေ လူဦးရေ ၅ဝဝ ကျော်က ဗန်းမော်ကိုဆင်းလာဖို့ တောလမ်းမှာခရီးနှင်နေတယ်”
အဲဒီ ဒေသဖက်မှာ တိုက်ပွဲဖြစ်တယ်ဆိုတာတော့ အတည်ပြုလို့မရကြောင်း၊ ကျေးရွာတွေနားမှာ စစ်ကြောင်းထိုးတာတွေတော့ရှိကြောင်း ဦးတူးဂျာက ပြောပါတယ်။
ပြီးခဲ့တဲ့ရက်ပိုင်းက ဗန်းမော်မြို့နယ် မန်စီဒေသဖက်မှာ အစိုးရနဲ့ ကေအိုင်အိုတပ်တွေကြား စစ်ရေးတင်းမာမှုတွေကြောင့် ဒေသခံကျေးရွာတွေက လူပေါင်းထောင်နဲ့ချီပိတ်မိနေပြီး စားနပ်ရိက္ခာ ပြတ်လတ်နေတယ်လို့ ပြောကြပါတယ်။
RFA Burmese
0 comments:
Post a Comment